Amantalen ahotsa

Ostiralean taularatu zuten "Amantalen ahotsa" ikuskizuna. Ederra bezain hunkigarria; gure aurreko andreek gerra eta gerra-ondoa zelan bizi izan zuten dantzaz eta kantuz azaldu ziguten, euren testigantzaz lagunduta.

Leire Narbaizak bere blogean idatzitakoa (Osorik irakurri)

Isildutako amantalen ahotsa ia lehenengoz prestigiozko leku batera eraman zuten atzo.
Onintza Enbeitak Berrian idatzitakoa (Osorik irakurri)

IZUGARRIA ostiralean Victoria Eugenia antzokian bizitu genuena...gaur oraindik hitzik jarri ezinean nabil bertan sentitutakoa adierateko;mila mila ZORION halako lan bat aurrera atera duzuen guztioi!!! plazer haundi bat izan zen zentzu guzietan, ZORIONAK berriro ere!!
Mendi Urruzuno

Zoriooooooonaaaaakk!! Zelako politta ta emoziñoz betetakua izan zan atzokua!! Malkuak sikatzen nahikua lan euki genduan..!
Aintzane Agirrebeña

Zoragarria! Hunkigarria, malkoz beteta emanaldi guztia!
Ainhoa Salegi

Zorionak jai aldixa prestatzen aritu zineten danori. Eskerrikasko gure amonatxoeri gure bihotzak horrela astintzearren.
Manu Villa

Zorionak ikuskizunagatik. Izugarria, omenaldi bikaina gure ama/amona/birramonei
Mikel Olaiz

IRAKURRI GEHIAGO...

Fitxa Teknikoa

Ideia, lanketa eta ekoizpena: Amantala Kultur Elkartea.

Zuzendari artistikoa: Agurtzane Intxaurraga.

Kontalaria: Itziar Ituño.

Dantzariak: Oinkari dantza taldea eta Laura Martin.

Kantariak: Amaia Zubiria, Arianne Unamuno, Zaloa Urain (Kokein) eta Ain_1.

Musikariak: Sorkunde Idigoras (pianoa), Mirari Irurzun (biolina), Arantxa eta Eli Ansa (txalaparta), Ane Ugalde (zehar-txirula) eta Lorea de Castro (gitarra).

Bertsolaria: Maialen Lujanbio.

Antzezleak: Ainere Tolosa, Sara Cozar, Naiara Arnedo, Ainhoa Aierbe eta Maite Bastos.

Irrintzilariak: Maite Etxarri, Pilartxo Paskual eta Mari Karmen.

Argi diseinua: Xabier Lozano.

Irudi diseinua: David Bernues.

Gidoia: Idoia Etxeberria, Alaitz Olaizola eta Agurtzane Intxaurraga.

Emakumeen testigantzak: Ahotsak.com.

Bideo edizioa: Haizea Odria.

Produkzioa: Idoia Etxeberria, Miren Artetxe, Ainitze Oruesagasti, Ainhoa Ansa, Josune Zabala eta Idoia Gereñu.

Diseinu grafikoa: Ainhoa Etxeberria.

Argazkiak: Maddi Soroa eta Ainitze Oruesagasti.

Zer da?

Aurtengo uztailean 75 urte bete dira gerra hasi zela, eta, mugarri hori baliatuta, urte haietako historia kontatu nahi dugu. Emakumeen begietatik egingo dugu, haien bizipenetan oinarrituta. Ikuskizunaren bizkar-hezurra adineko emakumeen testigantzak izango dira, www.ahotsak.com proiektuko bideo pasarteak. Bertsoek, zuzeneko musikak, kantuek, antzezkiak eta dantzak borobilduko dute saioa; haiek ere narratzaile lana egingo dute, nork bere erara eta bere baliabide artistikoekin.

70eko hamarkadatik honako historia ezaguna da, hurbila, baina aurreko 40 urteetakoa ez hainbeste. Horrenbestez, interesgarria iruditzen zaigu laburpen moduko bat egitea, garaian garaiko gertaera nagusiekin. Emakumeek etxean, lanean, kalean... bizi izan zutena. Haien pozak, nekeak eta buruhausteak. Gerra garaian eta ostean.

Gerra sasoiko pasadizoak batez ere gizonezkoek kontatu dituzte orain arte, borrokan parte hartu zutenek. Bitartean, emakumea familiaren euskarria izan zen; hala ere, haren minak eta ahaleginak ezkutuan geratu direlakoan gaude. Gerrako kontuez gainera, gizarteko alor guztiak jorratuko ditugu: etxeko ohiturak, eskolako martxa, laneko gorabeherak, kaleko giroa, erlijioaren indarra... batzuetan gordin eta besteetan umorez. Atzoko eta gaurko emakumeen ikuspuntutik.

Gipuzkoako eskualde guztietako emakumeen ahotsak hartuko ditugu aintzat, sukaldetik plazara aterako ditugu. Gure amonei eman nahi diegu hitza, eta soka horri helduta, zerbait berria eta modernoa sortu. Horretarako, ikuskizunean kulturako alor askotako pertsonak batuko ditugu. Horien artean musikari, dantzari eta bertsolari ezagunak ere badaude.

Promoa